Oggi ricorre l’anniversario di uno dei più grandi misfatti compiuti dall’uomo. Un ricordo commosso a tutte le vittime di tanta crudeltà:
PREGHJERA
Chidd’undici settembri di tantu tempu fa,
cangiau lu mundu ‘nteru, ciangìu l’umanità,
viatu fu palisi chi l’odiu pe la razza,
faci sciorbari l’omu, chi cecatu mmazza.
E volu cu la menti, cercu la memoria,
è jornata chista di luttu pe la storia.
Chi pena ddi cristiani morti ssutterrati,
lu fumu nte palazzi, ddi grida disperati!
Facimu sempri guerr’e mai nui ndi stancamu,
janchi, niri e russi, poi sempri ddà nui jamu.
Cu si llord’i mani du sangu di nucenti,
puru chi si rricchisci è sempri nu pezzenti.
Nto celu mericanu na bampa di focu!
Cadìu nu palazzu, n’attru catti dopu,
tra chiddi ruvini si cuntanu li morti,
fu tanta la pietàti pe ddà mala sorti.
A nomu di nu Ddiu si scanna la genti,
su’ janchi, niri, russi, ormai non cunta nenti,
mori la speranza e puru la raggiuni,
l’odiu nta lu mundu la faci da patruni!
Di frunti a chisti morti è forti la cundanna,
lu duluri è vivu, lu cori meu si danna!
Ddù undici settembri di tanti anni fa,
lu celu si scurau, morìu la libertà!
Rocco Criseo
