Lillo Sergi/La poesia dialettale, così diretta, così profonda, "Nt' cori l' arcubalenu"

Lillo Sergi/La poesia dialettale, così diretta, così profonda, "Nt' cori l' arcubalenu"

17 dicembre 2017     22:02

Posted by Domenico Salvatore

 

Risultati immagini per 'angolo della poesia

 

"Nt' cori l' arcubalenu"

'U to' rìdiri mai m'spirdìa
M'piaciva sul'a mmia
Fàcili non era mu mu spirdiva
Quandu m' rrdivi m'pirdiva

Si cu' ddh'occhji m'vardavi
Propriu tuttu m'shrambavi
Puru si eu spissu pnzava
Pirchì a mmia m'capitava

Sulu cu' mmia 'u facivi
T'scialavi ch'm'piacivi
Thra tanti m'sciglisti
Puru pi' cchistu m'piacisti

Subtu tu t'a scaddasti
Ch'eru 'u megghjiu t'ddunasti
M'vardavi cuntinuamenti
Puru ch'i noshri mundi differenti

'Nt'o cori ormai m'thrasiru
I ddhà cchjiù non nsciru
'I to' occhji e 'u to' sorrisu
Pi' nnenti furu mai un pisu

'A me' testa m'cunsigghjiava
I tia subtu m'm'lluntanava
Però 'u me' cori i tia chinu
S'faciva n'athru caminu

Pi' to' occhji 'mmalianti
P'u to' sorrisu 'mbriacanti
Sempri m'sintìa serenu
Cu' 'nt' o cori l'arcubalenu

  di Lillo Sergi

Cerca nel sito