Cumpari Larenzeddhu,
lu figghju di ‘Ssuntina,
la prima d’ogni cosa
pe’ iddhu è la Reggina.
Di cori malpatutu,
a rizzicu di vita,
dassa mi cunta sordi
pe’ ddh’errema partita.
Partiru cu la lapa,
iddhu cu so’ cuginu,
ca nc’era lu spareggiu
cuntra di lu Torinu.
Pe’ li primi minuti
Fu tuttu chjuri e rosi,
poi corpa nta lu campu
e corpa li tifosi.
A lu secundu tempu,
minutu settantottu,
nci fu nu fallu in area
ai danni di Rigottu 1
Dich’eu, santu cristianu,
tu soffri di lu cori
e vai e guardi a Rigottu
chi tira lu rigori?
Rigottu lu signau,
c’unu di li so’ tiri,
ma l’arbitru annullau:
“Si ndavi a ripetiri!”
Sentendu chi di novu
si tira lu rigori,
nci vinni capustoticu:
non ci reggiu lu cori.
Purtroppu ccussì vosi
la so’ fortuna ngrata:
mi resta mbisiccatu 2
supra la gradinata.
E lu cuginu, sclusu, 3
tornau di cursa a Bova
mi porta a la famigghja
ddha brutta malanova.
Ddha povera mugghjeri,
facendu reforturi, 4
cu li trizzi sciogghjuti,
chiangiu cchjù di tri d’uri.
Quandu tornau a lu soi,
chiamau a lu cuginu:
“Veniti ca vi vogghju
ssettatu ccà vicinu.
Na sula cosa a vui,
settata nta sta branda,
sta vedova ffliggiuta 5
voli mi vi domanda.
A vui chi nci cogghjstevu
li urtimi paroli,
diciti: pe’ cu furu?
Pe’ li nosci figghjioli?
Pe’ chiddhi nnocenteddhi
o pe’ sta sventurata?
Chi ora, senza d’iddhu,
restai mmenza a na strata!
O furu pe’ so mamma,
ddha vedova di guerra,
chi ora puru a iddhu
nci ttocca mi sutterra?!
O, cu l’urtimi forzi,
lu hjatu jiu mi trova,
mi manda salutandu
la noscia bella Bova?
Diciti, pe’ cu furu
li urtimi paroli?
Pe’ mia, pe’ so mamma,
pe’ Bova, o li figghjoli?”
“Quandu capiu chi mori,
nemmenu cercau aiutu,
chistu dissi, cugina:
Oh arbitru curnutu!”
_______________
1 Ala sinistra della Reggina di Maestrelli.
2 Stecchito.
3 Afflitto e avvilito.
4 Strepiti da esagitazione.
5 Afflitta
